شحال تغيضي..يا بلادي l'algérie (من افكه ما ستقرا )

السلام على من اتبع الهدى
كان هدا من افكه ما قراته لدلك نقلته للمنتدى لارى ارائكم فيه و لكن رجاءا ان تقراوا الموضوع كاملا لانه طريف جدا

ولاّ رُوتين.. الغاشي في لاري
شحال من بطّال..تقول واحد ماقاري!!
واحد خدّام..عندو قفّة دراري
لاخر وحداني..مخُّو يبيع أو يشري
** **
تخرج فرحان..لعشية ترجع حزين
سبابك لصحاب..ما بقى فيهم حنين
غير اللّي يصاحبك.. علاجال جيبك
وإذا فرغ الجيب..انسى يولّي حبيبك
** **
تدخل للدّار.. تلقى المدام تشكي
تنشعل النّار..تضحك ولا تبكي!!
تحب القفة فيها اللّحم والبنان
تعاند الجارة لي راجلها سلطان
** **
واش راني نشوف..غير لي يتبعك بالعين
كلّ شي مكشوف..قلي تهرب الوين؟؟
مظلوم ماظلم..يقتلوه بالخوف
ولي ظلم وحكم..يرّفدوه عالّكفوف
** **
تدخل للقاهوة.. كي ليامات زمان
تسمع الرّاي..تهرب ماتزيد تبان
وينهم لشياخ..عليهم تدمع لعيان
وين راح الحاج..فنو ينسّي لحزان
** **
كيفاش إيجيك في اللّيل النّوم
القلب حزين..والخاطر مهموم
تحوس تخدم..لازملك ديبلوم
ولي جابو..يخدموه عساس النجوم
** **
يا لطيف..كيفاش تبدلت لحوال
تبدل الزمان ..ولات لحياة هبال
اللي كان jeune ..شعرو شاب وذبال
ملي يصبح..يشكي يخاف ويسال
** **
شحال تغيضي..يابلادي l'algerie
جاك الطوفان..مالقيتي ما ديري
دار بيك الزمان..ماعليك غير تصبري
ربي يحميك..وترجعي كي بكري
** **
هذا قولي ليكم..ياناس لحياة مادوم
غدوة تموتو كلكم..الباقي غير القيوم
ابنوا ما ريبت يديكم..راهو غالي في السوم
لوطن اينادي عليكم..حقو ثابت معلوم

الله واكبر الجزائر التي انجبت الامير عبد القادر و العربي بن مهدي و عبد الحميد ابن باديس والقائمة طويل لكن هل يوجد امتالهم في هدا الزمان يوجد لكن الوال المطرح اين هم وهل الجزائر تحم نفسها ام هناك دولة اخري تحكمنا عن بعد الله واكبر

تحيا الجزائر تحيا الجزائر تحيا الجزائر