mohamed reda
عضو أساسي
الجنس : 
المشاركات : 2682
نقاط التميز : 4529
تاريخ التسجيل : 19/03/2009
 |  موضوع: كوماج So Charming للوجه و الجسم ... ساهل , رخيص و النتيجة نخليها لكم.. بالصور طبعا !  السبت 11 يوليو - 1:40 | |
| مساء النور على أحلى عضوات
جبت لكم وصفة سااااهلة غزاالة و كاع البنات اللي اعطيتها لهم جربوها كيشكروني عليها
* لاش كيليق هاد الكوماج :
هاد الكوماج يليق للبنات اللي كيشكيوا من :
ـ الحبوب في الجسم
ـ القشور في الجسم و فالوجه
ـ البقع البنية فالجسم
ـ تباين الألوان في البشرة
ـ جفاف البشرة من مورا الحمام
ـ و أخيرا ممكن لأي بنت بغات تحافظ على جمال بشرتها و تخليها مصقولة تبقى تديره
* طريقة الاستعمال :فاش تكونوا كتاخدوا دوش أو فالحمام و من الأحسن الحمام لأن المسام كيكونوا مفتوحين , مللي تحكوا الجسم كامل و تغسلوا الشعر ..الخ , غادي تاخدوا فوطة و تنشفوا بيها جسمكم مزياان , و تطليوا الكوماج لكامل الجسم و الوجه و جميع المناطق بدووون استثناء , و تبداو تفركوا بالزربة و تخليوه ينشف فوق منكم واحد الشوية , يعني يبقى فالجسم لمدة لا تقل عن 15 دقيقى كحد أدنى , و ممكن فهاد الوقت أنكم تحكوا رجليكم و هادشي اللي كندير أنا و باش نزيد نستغل الوقت يا اما كندير الديميلور فداك الوقت أو كنطلي شي يوغورت لراسي و نكون ضربت عصفورين بحجر , من بعد انقضاء المدة تغسلوا جسمكم مزياااان و تدوزوا بالجيل دوش و لا الصابونة ديالكم و بالصحة و الراحة .
* ملاحظة هامة :صاحبات البشرة الحساسة ممنوع منعا باااتا يوضعوا هاد الكوماج على الوجه
* مقادير الكوماج :ـ عصير نصف حامضة كبيرة أو عصير حامضة صغيرة
ـ 2 ملاعق كبار ديال قشور البيض مطحون ( أنا كنت كنجمع البيض و نطحنه و نطلعه للشمس شي 3 ايام عاد كنهبطه و نستعمله )
ـ 3 ملاعق كبار ديال شي عصير , أيييي عصير عندكم استعملوه و يستحسن العصائر اللي فيها الأحماض , بحال هنا أنا عندي عصير ديال الفريز مع البامبلموس
ـ 2 ملاعق كبار ديال دقيق القمح  الطريقة :
أولا كنخلطوا العصير ديال الحامض مع قشور البيض حتى كنشوفوه دار هاد الرغوة
من بعد كنعاينوا عليه واحد 30 ثانية دغيا راه كيتجبس و كيتجمع , هاهو صورته لكم
من بعد كنزيدوا عليه العصير اللي عندنا حتى يتطلق هكا
و نزيدوا عليه الدقيق ديال القمح هو الأخير و نخلطوا الكل مزيان حتى يجي عندنا خليط ثقييل شوية فحال ديال الكيك أو أثقل
و هالكوماج ديالنا واجد , بالنسبة للبنات اللي كيعانيوا من حبوب كثيرة فالظهر أو من حكة ممكن يضيفوا نصف ملعقة كبيرة ديال الملحة و يستعمل كما قلت فالطريقة الفوق و منين تغسلوا و كلشي طبعا ما تنساوش تدهنوا جسمكم بشي حليب أو شي كريم مغذي لأن الجسم فالحمام أو أثناء الدوش كيفقد كمية كبيييرة من السوائل , لهذا كثؤوا من الترطيب فالأيام الموالية للحمام و ايضا شربوا الما من مورا الحمام , لأن هذا ينعكس ايجابا على البشرة و مكيخليهاش تعاني من الاسمرار و من الجفاف .
مؤخرا خديت هاد الحليب من لافارماسي و عجبني بزاااف أولا مغذي و كيخلي الجسم كيلمع ثانيا رخييييص و فيه 3 ألوان أنا خديت الأحمر , و اسمه Lait concentré hydratant éclaircissant من Evoluderm و ثمنه 65 درهم و القرعة كبيرة ها هي صورته
ايوا شي دعيوات من قلبكم الله ييسر أموري و يسهل ما صعاب
| |
|
cannavaro
عضو أساسي
الجنس :
المشاركات : 5660
نقاط التميز : 3214
تاريخ التسجيل : 13/03/2009
| | موضوع: رد: كوماج So Charming للوجه و الجسم ... ساهل , رخيص و النتيجة نخليها لكم.. بالصور طبعا ! الخميس 16 يوليو - 12:23 | |
| | |
|
