قصيدة الأم لابنها من دار العجزة

وين انت يا حمدان امـك تناديــــــك**********وراك ما تسمـع شكايـا وندايـــــا
يا مسندي قلبي على الدوم يطريك**********ما غبت عن عيني وطيفك سمايـا
هذي ثلاث سنين والعين تبكيـــــك**********ما شفت زولك زاير يـا ضنايــــــا
تذكر حياتي يوم اشيلك واداريـــك**********والاعبك دايـم وتمشـي ورايــــــا
ترقد على صوتي وحضني يدفيــك**********ما غيرك احدٍ ساكن في حشايــا
واليا مرضت اسهر بقربك واداريـــك**********ما ذوق طعم النوم صبح ومسايـا
ياما عطيتك من حناني وبعطيــــك**********تكبر وتكبـر بالأمـل يـا منايـــــــا
لكن خساره بعتني اليوم وشفيـــك**********واخلصت للزوجه وانا لي شقايـــا
انا ادري انها قاسيه مـا تخليــــــك**********قالت عجوزك مـا ابيهـا معايــــــا
خليتني وسط المصحه وانا ارجيـــك**********هذا جزا المعـروف هـذا جزايــــــا
يا ليتنـي خدامـة بيـن اياديــــــــــك**********من شان اشوفك كل يوم برضايا
مشكور يا ولدي وتشكر مساعيـــك**********وادعي لـك الله دايـم بالهدايــــا
حمدان يا حمدان امـك توصيـــــــــك**********اخاف ماتلحق تشـوف الوصايــــا
اوصيت دكتور المصحه بيعطيـــــــك**********رسالتي واحروفهـا مـن بكايـــا
وان مت لا تبخل علي بدعاويـــــــك**********واطلب لي الغفران هـذا رجايـــا
وامطر تراب القبر بدموع عينيـــــــك**********ما عاد ينفعـك النـدم والنعايــــا

» دار العجزة بر أم عقوق ام هي نكران للجميل !!!!!!
» ........ الأم .........
» ( حكم الإسلام في عيد الأم والأسرة ) .
» الأم : كفى بها أن تكون عيداً ...
» قلب الأم لا يعادله كنوز العالم