نكت جميلة

السلام عليكم ورحمة الله وبركاته
:: بحبك ::

بعد 6 أسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعني لو مش بحبك كنت هاتجوزِك ليه ؟؟؟

:: بعد الشغل ::

بعد 6 أسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الأكل ؟؟

:: جرس التليفون ::

بعد 6 أسابيع : حبيبتي فى حد عاي+++ على التليفون
بعد 6 شهور : التليفون دة ليكى
بعد 6 سنين : ماتردي !.. انا عندي صداع

:: وقت الغدا ::

بعد 6 أسابيع : ماكنتش اعرف ان نَفَسك حلو اوي كده
بعد 6 شهور : عاملة ايه النهاردة؟
بعد 6 سنين : بامية تاني؟

:: لما تشترى فستان جديد ::

بعد 6 أسابيع : مبروك ياحبيبتي , هياكل منك حتة
بعد 6 شهور : انتي جبتي فستان جديد تاني ؟
بعد 6 سنين : هممممم.. بكام ؟

:: لما يتفرجوا على فيلم ::

بعد 6 أسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الفيلم ده
بعد 6 سنين : انا رايح السينما , نامي انتي بقى

:: لما تعزم اصحابها ::

بعد 6 أسابيع : وماله.. اهلاً بيهم فى اي وقت
بعد 6 شهور : انتي كل اسبوعين هاتعزميلنا حد ؟
بعد 6 سنين : يوووووه.. ده مابقاش بيت

:: في العيد ::

بعد 6 أسابيع : حبيبتي الكعك والبسكوت برّه على السفرة
بعد 6 شهور : مش واجب بقي مامتك تجيب لنا الكعك؟
بعد 6 سنين : مش لازم كعك السنة دي .. انتي تخنتي اوي

:: وهيّ رايحة للدكتور ::

بعد 6 أسابيع : حبيبتي قوليلي قبلها عشان اعمل حسابي فى الشغل
بعد 6 شهور : خدي مامتك ولاّ حد من صحابك
بعد 6 سنين : دكتور دكتوووووووور .. مانتي زي البمب اهو

:: المولود ::

المولود الاول : زي القمر .. شبهك
المولود التاني : شبه اخوه
المولود التالت : ياريت تخلّي بالك المرة الجاية

:: لما يروحو السوبر ماركت ::

بعد 6 أسابيع : تحبي تروحي انهي سوبر ماركت يا حياتي؟
بعد 6 شهور : وماله عم أنور البقال ؟
بعد 6 سنين : انتي بتودي الأكل فين !؟؟

:: لما ييجي عيد ميلادها ::

بعد 6 أسابيع : معلش كان نفسي اجيبهولك ألماظ
بعد 6 شهور : خدي 50 جنيه وهاتي اللي انتي عايزاه
بعد 6 سنين : مش عيد ميلادك كان السنة اللي فاتت؟.. هوّ كل سنة ولا إيه !؟

شكرا على النكتة

العفووووووووووو

» هل هي جميلة او لا؟
» قصة حب جميلة جدا ........
» نكت جميلة.
» قصة حب جميلة جدا ........
» نكت جميلة 2009hhhhhhhhhhhhhhhhhhhhhhh