هانت عليك غيبــتي وإلا ما بعــد إشتقت ..*.. وانـــت إشتــــياقك فـــــــــاق ميــــــزانك
هــــامت بك الأيــــام لين مــــا اختنـــقت ..*.. وعســـــاها علمتك من حـبك ومن خانك
وأنا اللي أول إنسان عرفته وما صدقت ..*.. وأنا اللـــي بك هيـمان ورفعت من شانك
وينـــــك ؟ وإلا أنـــت في حــبك غـــرقت ..*.. وانا ويـــــني يوم حطيـــــتني مع رهـانك
إن قلـــــته عـــــز الله مــــــا صـــــدقـت ..*.. عطني شئ واحـــــد قلته فعلـــته بالسانك
أنا شـــــربتك الحـــــب لين مـــــــا رقت ..*.. انا أعطيــــــتك قلـــــب وشـــــلت احزانك
أقــــــسم يمين إنـــــي بالشوق احترقت ..*.. وإني مشتاق لضحكتك ومزحك واشجانك
اسميك عاشق ... لأن للفــراق عشقت ..*.. وبهـــــديك كلـــــمه ربهـــــا في كيــــــانك
إن كانــك عشقت الجفــاء فأنت فارقت ..*.. والوصــــــال يبكي للجفـاء وطال هجرانك
المحــــبه تعشق الدروب اللـي طـــرقت ..*.. وليتك عشقــــتها وضميــــتها بوجــــدانك
يمكن تذبحــــك مثل ما ذبحني الــــوقت ..*.. وتهـــــاجر الفـــراق وتمحيه من زمـــانك
صرت أدور للربيــع اللي باسمه نطقت ..*.. وادور للــــزهور اللــــــي ذابت بحــــنانك
وأضل أحبــــك وارد لوقـــتي ما سرقت ..*.. واموت واعشقك وابيع دنيتي على شانك
موضوع: هانت عليك غيبتي 
الأحد 17 مايو - 14:33
